萬興茶餐廳

營業中

休息中

週六約咗契妹交收禮物，為方便佢下午去醫院，所以就揀咗喺佢屋企附近間「萬興茶餐廳」度食晏。中午時份小小嘅茶餐廳已坐滿食客，幸好二人搭到張卡位。XO仔應旁邊嘅街坊熟客推薦，點咗個全日都有得食嘅「菜肉雲吞」。菜肉雲吞（$44；凍飲加$3）：菜肉雲吞呈奶白色嘅湯底味清唔油，入面加咗兩條鮮綠清脆嘅唐生菜，感覺都好健康。雲吞皮層巧薄幼滑，菜肉餡心清香軟嫩。跑馬地出名租貴，「萬興茶餐廳」能多年撐住應該有佢嘅理由，細佬第一次幫襯，喺小店速戰午餐，只係食咗個簡單嘅菜肉雲吞，茶記黎講算唔錯。