彬記粥麵專家

營業中

休息中

刀削麵食到牙仔軟，其實未飽，路過彬記，是朋友強烈推介的麵店，見有少少quota，用埋佢。都有十年八年歷史的老店，除粥麵外，晚市有煲仔菜供應，見到餐牌有魚膘煲已口水直流。有鮮鯇魚片粥，自然唔少得白灼魚皮供應，但大熱天時，想試都要等下次。一碗魚蛋併雲吞麵，作價$23同區來說收得貴，湯底預期的淡茂茂，味道來自後加的麻油，味精不少，可幸麵爽身而鹼味唔多，隨便吃過兩啖算了。手打的魚蛋質感似魚腐多於港式魚蛋，鬆泡泡亦沒吃得到多少魚味，「遮瑕」用的白胡椒味倒是吃得出，談不上好，但在坊間大賣彈牙與乒乓魚蛋市況下仍做著這款魚蛋，也有特色。一口雲吞，化學處理過的原隻蝦仔，夾少少無味肉末，口感重於味道，說鮮蝦雲吞，幾時都是麥奀做得最出色。非朋友所說般出色，大概是點錯菜吧，下會試試索價$30的魚皮，看看貴在那裡。