影片
更多
2023-01-04
2154 瀏覽
慶祝日子想搵一間有靚景又有美食既高級西餐廳，Odyssee絕對係願望清單之上📝！餐廳位於ICC 101樓，落地玻璃窗可以飽覽維港美景，加上一望無際既天空令人特別放鬆，彷如係雲端上用餐☁️Odyssee主打創意法國菜，大廚融匯世界各地時令食材，以特別既烹調方法呈現佳餚，靈活百搭既風格令人有驚喜😍 午餐價錢比較親民，$880就可以享用到 premium 6-courses set。由於我地慶祝紀念日想試多D菜式，揀左夜晚既𝓞𝓭𝔂𝓼𝓼𝓮𝓮 𝓔𝔁𝓹𝓮𝓻𝓲𝓮𝓷𝓬𝓮，9-courses set人均$1,680，每道菜都令人驚豔，超有所值！♢ 𝑺𝒏𝒂𝒄𝒌𝒔一坐低就送上3款小食。第一款係用松露醬整既糕點，味道濃郁。底下有片cracker幾脆口，中和松露既膩。第二款係脆餅，入面係三文魚他他，口感清新。第三款係青豆撻，調味都幾開胃，撻底充滿牛油香味。♢ 𝑩𝒓𝒆𝒂𝒅巨型Sourdough麵包，切開仲有張小紙條，好有心機！佢既butter都好特別，帶點蜜糖味，同麵包幾夾。♢ 𝑲𝒓𝒊𝒔𝒕𝒂𝒍 𝑮𝒐𝒍𝒅 𝑪𝒂𝒗𝒊𝒂𝒓用上金水晶魚子醬盡顯高級，每一粒都充滿光澤，香味細膩。配上新鮮綠蘆筍同榛子，更加清新爽口。♢ 𝑯𝒐𝒌
Odyssee主打創意法國菜，大廚融匯世界各地時令食材，以特別既烹調方法呈現佳餚，靈活百搭既風格令人有驚喜😍 午餐價錢比較親民，$880就可以享用到 premium 6-courses set。由於我地慶祝紀念日想試多D菜式，揀左夜晚既𝓞𝓭𝔂𝓼𝓼𝓮𝓮 𝓔𝔁𝓹𝓮𝓻𝓲𝓮𝓷𝓬𝓮，9-courses set人均$1,680，每道菜都令人驚豔，超有所值！
♢ 𝑺𝒏𝒂𝒄𝒌𝒔
一坐低就送上3款小食。
第一款係用松露醬整既糕點，味道濃郁。底下有片cracker幾脆口，中和松露既膩。第二款係脆餅，入面係三文魚他他，口感清新。第三款係青豆撻，調味都幾開胃，撻底充滿牛油香味。
♢ 𝑩𝒓𝒆𝒂𝒅
巨型Sourdough麵包，切開仲有張小紙條，好有心機！佢既butter都好特別，帶點蜜糖味，同麵包幾夾。
♢ 𝑲𝒓𝒊𝒔𝒕𝒂𝒍 𝑮𝒐𝒍𝒅 𝑪𝒂𝒗𝒊𝒂𝒓
用上金水晶魚子醬盡顯高級，每一粒都充滿光澤，香味細膩。配上新鮮綠蘆筍同榛子，更加清新爽口。
♢ 𝑯𝒐𝒌𝒌𝒂𝒊𝒅𝒐 𝑺𝒄𝒂𝒍𝒍𝒐𝒑𝒔
外觀實在太精緻，單睇賣相絕對估唔到係咩~ 北海道帶子切成粒粒，加上青蘋果﹑茴香﹑柚子調味，口感好refreshing，幾有驚喜。
♢ 𝑷𝒆𝒓𝒊𝒈𝒐𝒓𝒅 𝑫𝒖𝒄𝒌 𝑭𝒐𝒊𝒆 𝑮𝒓𝒂𝒔
鴨肝煎得剛好，充滿豐富油脂香味。仲加左挪威小龍蝦 (langoustine)伴以濃湯，蝦味十足。
♢ 𝑺𝒂𝒍𝒎𝒐𝒏 𝑩𝒂𝒔𝒔
三文魚肉口感軟滑，加左白蘆筍。用三文魚點下醬汁無咁乾身，mousseline充滿奶油同氣泡感。
♢ 𝑨𝒗𝒆𝒚𝒓𝒐𝒏 𝑴𝒊𝒍𝒌 𝑭𝒆𝒅 𝑳𝒂𝒎𝒃
羊鞍火侯控制得幾好，保持粉嫩顏色，肉味濃郁，去羶方面都做得唔錯。伴以Anchoïade醬汁，帶點大蒜同橄欖油味更加香口。
♢ 𝑩𝒓𝒆𝒔𝒔𝒆 𝑷𝒊𝒈𝒆𝒐𝒏 𝒇𝒓𝒐𝒎 𝑴𝒂𝒊𝒔𝒐𝒏
用上Bresse pigeon鴿肉，比乳鴿大隻，肉質嫩滑，外皮燒得香脆可口，油脂豐富。伴以意大利式栗米粥(Polenta)，口感creamy。另外加左紅菜頭﹑黑櫻桃擺盤，非常精緻。
♢ 𝑪𝒉𝒂𝒓𝒆𝒏𝒕𝒂𝒊𝒔 𝑴𝒆𝒍𝒐𝒏
Charentais係法國超甜蜜瓜，果肉甜美。果肉下係burrata雪糕，充滿牛奶香味。蜜瓜既甜味加上芝士鹹香，口感富有層次感。
♢ 𝑭𝒓𝒆𝒏𝒄𝒉 𝑹𝒉𝒖𝒃𝒂𝒓𝒃
甜品賣相好精緻，好似一棵櫻花樹咁。原來係用左大黄﹑野生草莓﹑櫻花茶製成，味道清新甘香，為呢餐畫上完美句號。
♢ 𝑺𝒘𝒆𝒆𝒕𝒔
最後仲有小甜點，分別係馬卡龍同朱古力味威化餅，甜入心頭。
Set dinner最後包一杯coffee or tea，可以清新一下味蕾。上菜節奏都算快，用左兩個鐘就食到咁多道菜，安排唔錯。
Odyssee菜式賣相超精緻，單睇外觀都完全估唔到係用左咩食材，呢個亦係佢夠哂創意既地方👍🏻 無論係環境﹑食物﹑服務態度都無可挑剔，特別適合黎慶祝或約會，絕對推薦比大家🫶🏻✅
張貼
