燈籠滷味 T.P.E. (M88) (已結業)

俾門口五光十色嘅招牌吸引咗眼球，發覺原來呢到開咗間台灣菜，滷味、茶飲、便當、夜市小食等應有盡有。餐廳入面嘅裝潢都好有特色，有少少懷舊feel，座位寬敞舒適。阿嬤古法滷雞翅膀便當 $75午市時間有多款滷味套餐同滷肉便當套餐，都幾抵食。叫咗個滷水雞翼便當，除咗雞翼，個便當當然唔少得有滷肉飯，仲有涼拌前菜、滷水蛋、滷香麻油冬粉同滷香椰菜，非常豐富。滷水雞翼上色均勻，用古法製作，滷水味香得黎唔會太過鹹，雞翼肉質嫩滑。滷肉飯色香味俱全，而且唔會太肥膩。跟午市套餐仲追加咗份台灣香蒜腸(+$19)，香腸肥瘦適中，食落帶鹹香，送飯一流。餐飲方面就揀咗冷泡白桃烏龍茶(+$16)，香濃回甘嘅烏龍茶，帶有淡淡嘅桃香，消滯解膩。奶油芋泥肉鬆起司蔥抓蛋餅卷 $68另外仲叫咗份餐廳嘅人氣名物-蔥抓蛋餅卷。揀咗呢款奶油芋泥加肉鬆餡，味道鹹中帶甜。香滑軟熟嘅芋泥、鬆軟鹹香嘅肉鬆配搭埋芝士、蛋餅醬同美奶滋，口感層次豐富。。。燈籠滷味 T.P.E. (威靈頓廣場) (中環)中環威靈頓街2-8號威靈頓廣場地舖。。