金拇指米線 (紅磡廣場) (已結業)

紅磡係Lunch hour想搵食有幾難...應該係個區返工嘅人仕都好明白架啦皆因呢個工業區太多人返工，加上附近又多民居，有時食飯真係要爭崩頭之前都已經知道紅磡廣場有間金拇指，但次次經過都好多人，所以都無機會試今日唔知做咩事無平時咁多人，就快快趣趣同同事去搵位坐咗先啦金拇指都幾多選擇，有米線有碟頭飯有咖哩有焗飯。佢哋係快餐店格局，先買餐後搵位再自取。環境位置都不能要求更多架啦...不過都算乾淨企理嘅。我就揀咗個煎倉魚嘅套餐蒸倉魚嘅就見得多，煎倉魚就好少見仲要咁平，都係五十蚊有找，有飯有嘢飲煎倉魚係跟一個豉油汁嘅，佢唔係就咁俾一兜豉油你或者淋上面，而係另外碗仔上。仲要碗豉油係煮過嘅，有辣椒有蔥係入面，入口甜甜地個隻，同煎魚都幾夾果種師父手勢都幾好，煎到魚皮帶有少少脆口，魚肉鮮嫩無雪味本身倉魚有少骨，食落真係啖啖肉，點埋豉油食送飯真係一流今時今日呢種質素食得飽肚都係五十蚊有找...都算係唔錯啦呱...