3rd Space (已結業)

前排同朋友去左中上環行街，朋友建議去行下太平山街附近一帶，咁行到咁上下，友人話有啲肚餓，想搵野食醫肚！無意中，係太平山街轉角—-有一間Cafe叫「3rd Space」，見佢都吸引就坐低左試一試「3rd Space」門外裝潢都幾搶眼，係一個畫上去既男人，而餐廳入面唔算話好大，大概可以容納到二、三十人左右好啦，入正題，Cafe入面啲員工好友善，有同我地推介啲菜式同飲品咁！最後同朋友決定點一咸一甜既菜式。我叫左個「滑蛋親子丼穀米飯」、而朋友就點左個店員強力推介既「北海道牛乳海鹽熱香餅」，而我就要左杯「奇亞籽皇室伯爵茶拿鐵」，佢就要左杯「花香黑菜茶」。「滑滑蛋親子丼穀米飯」先上，有佢柚子醬沙律係側邊，個飯都幾吸引，係滑蛋上面淋左一層燒汁，而且是穀米飯感覺幾健康！野飲到，我杯「奇亞籽皇室伯爵茶拿鐵」就幾香伯爵茶未呀，甜度都適中，但唔算太特別！朋友杯「花香黑茶」一上已經有撲鼻而來既香味，而且黑茶一啲都唔澀，好入口！中意飲茶既朋友真係好高度推介。最後係重點「北海道牛乳海鹽熱香餅」，熱香餅有雪糕舖係面，介有啲雜果店員同我地介紹熱香餅入面有麻糬，會有少少流出黎既狀態。呢個真係誠意之中，師傅應該好比心機咁