影片
更多
2018-07-01
421 瀏覽
尖沙咀重慶最出名食印度咖哩，但好多人覺得環境太舊，燈光又太暗。但宜家終於有新選擇，萬事昌新開左間高檔印度菜，環境寬敞舒適優美酒店級，食物質素好味正宗款式多。我太耐無食咖哩，突然諗起又遇到呢間好野，梗係要試下。打開menu，款式太多，又串燒，又咖哩，又masala(馬沙拉)無限配搭牛羊雞唔同部位，於是選擇困難症立刻發作😂 唯有請店員推介。店員好細心，問我地食唔食辣，我話唔好咁辣，少辣。但食印度菜講唔食辣，係咪講笑?! 我諗返起都覺得自己好玩野 😂 不過店員無黑面，仲好有耐性咁真係介紹左款好食得黎唔太辣，應該人人都會鐘意既，masala煎餅。Masala煎餅，係薄薄一大塊熱辣辣脆餅，包住咖哩薯仔同洋蔥做餡料，再配沾唔同口味既醬汁黎食。因為Masala就係混合香料既意思。呢度菜包括有一汁三醬，包括白乳酪、青香料醬、紅辣香料醬同青咖哩香料汁，薄餅又熱又脆又軟熟，餡料味道好有印度家常菜既感覺。霸氣地大份，一大班人聚會食飯嗌一個就最啱。其實一上菜果陣，見到咁大份，都唔知正確食法係點，我地就問侍應哥應該要點食，佢都好有耐心咁向我地介紹同解釋 😁 另外薄荷烤雞又係極好食 😋 薄荷味調配得清新可口之餘
打開menu，款式太多，又串燒，又咖哩，又masala(馬沙拉)無限配搭牛羊雞唔同部位，於是選擇困難症立刻發作😂 唯有請店員推介。店員好細心，問我地食唔食辣，我話唔好咁辣，少辣。但食印度菜講唔食辣，係咪講笑?! 我諗返起都覺得自己好玩野 😂 不過店員無黑面，仲好有耐性咁真係介紹左款好食得黎唔太辣，應該人人都會鐘意既，masala煎餅。
Masala煎餅，係薄薄一大塊熱辣辣脆餅，包住咖哩薯仔同洋蔥做餡料，再配沾唔同口味既醬汁黎食。因為Masala就係混合香料既意思。呢度菜包括有一汁三醬，包括白乳酪、青香料醬、紅辣香料醬同青咖哩香料汁，薄餅又熱又脆又軟熟，餡料味道好有印度家常菜既感覺。霸氣地大份，一大班人聚會食飯嗌一個就最啱。
其實一上菜果陣，見到咁大份，都唔知正確食法係點，我地就問侍應哥應該要點食，佢都好有耐心咁向我地介紹同解釋 😁
另外薄荷烤雞又係極好食 😋 薄荷味調配得清新可口之餘，雞肉烤得香脆嫩滑，又有雞味，零冰鮮。沾埋清香薄荷醬，好食不得了。外面餐廳薄荷醬有草青牙膏味，呢間唔會，易入口好多。唔知係咪落左其他香料調配過呢？
我地仲嗌多個雞masala，naan (印度烤餅) 自然唔少得。chicken masala 用左N種香料同雞一齊熬，兩者完完全全咁融合為一，有醬料得黎其實啖啖雞。味道好好，唔嗆口，食完會慢慢咁辣返出黎，好刺激😂 愈食愈覺得辣，對我黎講就太辣。所以鐘意食辣既朋友，唔一定要食中式川菜，印度菜都好啱，仲唔油膩添。
食飽等埋單，無聊再掲下menu，發現有段文介紹餐廳，原來佢晌世界各地都開有分店，好有名，所以質素有相對保證，值得再食。😋
張貼
