金山粥店

營業中

休息中

星期日入西貢行山, 做運動前緊係要醫飽肚先啦。朋友介紹之下黎左一間係内街既粥店, 裝修麻麻, 但係異常多人喎。及第粥- 粥底夠綿又足料, 平時粥鋪都係一粒豬肉丸, 佢有兩粒, 而且夠熱。豬內臟都無臭豬味。掂炸兩腸 - 聽到隔離檯嗌先知道原來有分炸一腸同炸二腸（即係一條孖條同半條孖條既分別）, 真係咁大個女先知。講返味道, 雖然油炸鬼唔夠熱, 但係都夠脆, 而且仲有小量蝦米。再加d醬汁三寶, 風味十足。蝦米腸 - 有個姐姐即場卷，加分！皮蛋瘦肉粥 - 呢個就爭少少喇, 無咩皮蛋味。