影片
更多
2023-04-22
513 瀏覽
📍《 大班樓 The Chairman 》中環威靈頓街198號The Wellington 3樓之前真係諗都無諗過會有機會試到呢間🤗平時聽人講呢間有幾出名幾好食，同埋幾難book！我哋今次係book咗佢地個lunch set，價錢係$888每位，包咗3樣頭盤、3款主菜 (1款海鮮/2款肉類)，仲有菜、飯同埋甜品，食到好飽好滿足🥹今次好好彩有朋友幫我哋喺網上一早book到位先有得食🙏🏻唔講真係唔知原來要預早幾個月前先會有位book，通常嗰網址開始接受booking果日嘅一個鐘內就會full哂嚟緊三個月嘅位，證明唔少人都覺得呢個價錢可以食到堂堂亞洲第一嘅頂級粵菜，簡直係物超所值😉今次👦🏻決定做吓孝子，一於帶兩老過嚟試吓中式fine dining～▫️ 凍鹵水花椒小吊桶釀土魷🦑個鹵水相當入味, 配埋花椒嘅麻香同八角好特別，陣味一啲都唔搶，恰到好處～▫️ 金錢蟹盒🦀好足料，食落去有層次感，配埋甜酸醬食好開胃！▫️ 蟛蜞膏柚皮冬瓜🦀唔講唔知，蟛蜞膏係一種乾淨河流先搵到嘅河蟹嘅蟹膏，蟹身只有拇指大小，真係好珍貴同花心機嘅一道菜😙啲蟹膏鋪咗喺柚皮同冬瓜件上面，蟹香好濃郁，柚皮同埋冬瓜清香無渣，好夾！▫️ 雞
中環威靈頓街198號The Wellington 3樓
之前真係諗都無諗過會有機會試到呢間🤗平時聽人講呢間有幾出名幾好食，同埋幾難book！我哋今次係book咗佢地個lunch set，價錢係$888每位，包咗3樣頭盤、3款主菜 (1款海鮮/2款肉類)，仲有菜、飯同埋甜品，食到好飽好滿足🥹今次好好彩有朋友幫我哋喺網上一早book到位先有得食🙏🏻唔講真係唔知原來要預早幾個月前先會有位book，通常嗰網址開始接受booking果日嘅一個鐘內就會full哂嚟緊三個月嘅位，證明唔少人都覺得呢個價錢可以食到堂堂亞洲第一嘅頂級粵菜，簡直係物超所值😉今次👦🏻決定做吓孝子，一於帶兩老過嚟試吓中式fine dining～
▫️ 凍鹵水花椒小吊桶釀土魷🦑
個鹵水相當入味, 配埋花椒嘅麻香同八角好特別，陣味一啲都唔搶，恰到好處～
▫️ 金錢蟹盒🦀
好足料，食落去有層次感，配埋甜酸醬食好開胃！
▫️ 蟛蜞膏柚皮冬瓜🦀
唔講唔知，蟛蜞膏係一種乾淨河流先搵到嘅河蟹嘅蟹膏，蟹身只有拇指大小，真係好珍貴同花心機嘅一道菜😙啲蟹膏鋪咗喺柚皮同冬瓜件上面，蟹香好濃郁，柚皮同埋冬瓜清香無渣，好夾！
▫️ 雞油花雕蒸花蟹配陳村粉🦀🐤🐚
如果要講大班樓嘅招牌菜，或者有咩菜式係必叫嘅，相信應該係呢碟啦🤩侍應放低呢碟菜嘅時候，我哋都嘩咗一聲，賣相同香氣真係無得輸🤤一上枱就有陣陣嘅花雕酒和雞油嘅香氣，花蟹食落好鮮甜，肉質都幾結實，十分新鮮！👦🏻嘅娘親就覺得花雕味重咗少少，而👦🏻就覺得蘸咗汁食嘅陳村粉仲好食過花蟹😂嗰汁先所以咁鮮味，係佢哋將新鮮嘅花蟹、雞、蜆同埋花雕濃縮而成嘅，簡直係完美😍
▫️ 樟木煙燻黑腳鵝🪵
我哋一致覺得呢度菜最有驚喜！聽侍應講係將隻鵝先蒸後炸，再攞去用樟木煙燻，唔怪得每啖鵝肉都有好濃嘅煙燻香氣，啲鵝肉又一啲都唔韌，好高質！仲要份量超級多，我哋食唔哂要打包添😶🌫️
▫️ 梅乾菜陳皮扣肉配夾包🐖
食到呢度已經開始飽🤣，個扣肉炆得好腍，好入味！
▫️ 豬皮櫻花蝦燉菜芯🥬
▫️ 蟹肉鮮蝦蝦乾蝦醬炒飯🦐
啲菜芯食落去好嫩同埋無渣，浸住啲落咗櫻花蝦嘅湯，幾香！而碟炒飯有齊哂蟹肉、蝦膏、鮮蝦同埋蝦乾，炒得幾粒粒分明，唔算好特別不過都好食嘅～
▫️ 甜品三味☕️🍮
壓軸嘅甜品分別係杏仁茶、芝麻糕及杞子糕三款，不得不提杯杏仁茶真係好香滑， 連一向唔鍾意飲嘅👦🏻都覺得幾好飲～
人均消費 $1000-1200
推介度🌕🌕🌕🌕🌗
#hkfood #hkfoodie #hkig #foodie #hkfoodblogger #hongkong #foodporn #hk #food #foodstagram #hongkongfood #hkfoodlover #instafood #foodphotography #foodiehk #hkfoodstagram #foodblogger #hkfoodporn #yummy #hkfoodblog #hkeats #foodlover #hkfoodies #hkiger #hkigfood #igfood #hkrestaurant #foodpic #foodpics #hongkongfoodie #香港美食 #打卡餐廳 #香港必食 #香港好去處 #中環美食 #中環 #中環好去處 #Central #上環美食 #上環 #上環好去處 #SheungWan #Michelin #米芝蓮 #中菜 #粵菜 #FineDining #FineDine #BestinHK #AsianTop50 #BestinAsia
張貼
