影片
更多
2023-07-06
533 瀏覽
1️⃣記得book位。2️⃣注意多蚊（真係好多）。 近年好多小店都進駐離島區，大家進行離島小旅行嘅時候可以有更多選擇。 The Hideout選址梅窩，用貨櫃改裝做出餐區同選物店，用餐區係鐵皮頂，另外仲有湖邊座位再加少少沙灘椅，又有芒果樹（好似無）又有香蕉樹，有一種亞熱帶輕工業戶外露營風（開始唔知自己講乜）。好多朋友都係為左個湖邊打卡位而山長水遠入黎朝聖，大家都好識做，坐到咁上下時間影完相就會讓位。 食物方面有人話好差，我就覺得唔算好差，只係黎得呢啲地方大概都知咩料，影下相chill下咪幾好，唔好咁大怨氣啦。我都明白作為一間餐廳應該要用食物打動大家，而唔係只有打卡效果。 🍝Pancetta Vodka Rigatoni近年真係多左好多餐廳有得食Rigatoni（短管意粉？），大概就好似長通粉咁樣，不過係平切口同埋粗少少。暫時未遇到有邊間餐廳整得好好食，大部分都係普普通通，好似發揮唔到佢嘅特性咁，或者就係呢個原因所以外國人唔鍾意食長通粉。純粹只係視覺上有一種好豐盈嘅感覺。 🍕Parma Ham Pizza其實味道都ok嘅，不過拎出黎就好似frozen pizza咁。 ☕️SOE Tonic有人會好
2️⃣注意多蚊（真係好多）。
近年好多小店都進駐離島區，大家進行離島小旅行嘅時候可以有更多選擇。
The Hideout選址梅窩，用貨櫃改裝做出餐區同選物店，用餐區係鐵皮頂，另外仲有湖邊座位再加少少沙灘椅，又有芒果樹（好似無）又有香蕉樹，有一種亞熱帶輕工業戶外露營風（開始唔知自己講乜）。好多朋友都係為左個湖邊打卡位而山長水遠入黎朝聖，大家都好識做，坐到咁上下時間影完相就會讓位。
食物方面有人話好差，我就覺得唔算好差，只係黎得呢啲地方大概都知咩料，影下相chill下咪幾好，唔好咁大怨氣啦。我都明白作為一間餐廳應該要用食物打動大家，而唔係只有打卡效果。
🍝Pancetta Vodka Rigatoni
近年真係多左好多餐廳有得食Rigatoni（短管意粉？），大概就好似長通粉咁樣，不過係平切口同埋粗少少。暫時未遇到有邊間餐廳整得好好食，大部分都係普普通通，好似發揮唔到佢嘅特性咁，或者就係呢個原因所以外國人唔鍾意食長通粉。純粹只係視覺上有一種好豐盈嘅感覺。
🍕Parma Ham Pizza
其實味道都ok嘅，不過拎出黎就好似frozen pizza咁。
☕️SOE Tonic
有人會好鍾意espresso tonic，我就麻麻地，純粹係個人口味問題，同餐廳無關。基本上呢杯野係幾慳水慳力，出個espresso加杯tonic water，然後自己倒埋一齊，營造到有得飲又有得玩，好似好fun咁。呢個都唔係餐廳嘅問題，係呢個飲品嘅根本性問題。至於SOE (single origin espresso)都係視乎個人口味嘅問題，一般espresso我都係偏好blend。
🍵Kyoto Hand Whisk Matcha Latte
唔錯嘅，不過無乜研究，所以都唔講太多。
🍹Passion Fruit Soda
兩個字，好飲。
其實甜甜地嘅梳打基本上都唔會死錯人，最緊要係唔會死甜。漸變橙色嘅飲品擺喺湖邊影相都好stand out。
37 瀏覽
1 讚好
0 留言
34 瀏覽
0 讚好
0 留言
熱情果梳打
34 瀏覽
0 讚好
0 留言
張貼
