Lady M

營業中

休息中

食完正餐又要尋覓甜品抒解壓力，黎到貴婦人打卡必到既Lady M🤣裝修以白色為主調色，簡約大氣，分兩邊排隊，視乎你堂食定外賣。千層蛋糕好有名氣，但之前試過，所以今次就叫兩隻唔係千層蛋糕。朱古力棋盤格仔蛋糕，手工之作，層次分明，每格出色，口感鬆軟，朱古力味唔算非常突出，不死甜，整體來講係件出色既蛋糕，小貴。威士忌慕絲朱力蛋糕，出色之作，慕絲，啫哩，蛋糕，口感好豐富，朱古力味濃而香醇，帶點威士忌🥃兩者既味道都好出，融洽且和諧。伯爵奶茶，伯爵溫和，奶味香濃。