Forever 友緣西餐 (已結業)

元朗千色後面比我發現呢間咁隱蔽嘅西餐廳。見佢好似坐得幾舒服咁，就入去試一試。餐廳氣氛做得幾足，一坐底就有人幫你點燭光，仲有welcome drink。落完order，waiter 話今日有優惠，加一蚊有隻焗芝士大啡菇，見佢咁抵，當然叫番隻試下。芝士竟然用左兩款，一種就做拉絲效果，一種就有少少酸味，令到食落去有兩種感覺。特別推薦安格斯牛扒，而且有濃濃嘅牛肉味，叫左五成熟，絕對唔會over cook，值得一讚有埋芥末醬，感覺膩膩地嘅時候可以點一點。友人叫左黑毛豬鞍扒，好厚，煎到入面岩岩好粉嫩色，好考廚師嘅功力，所以食落去唔un。最後叫番個甜品就完滿，菠蘿雪芭幫你清清成個口嘅肉味，好清新。因為雪芭係唔會落奶，用新鮮嘅生果整成冰沙咁，所以絕對唔係色素加糖水嘅混合體。