滾餃

營業中

休息中

由滾餃淨係做生餃團購嘅時候已經支持，成日都會留意幾時會做我嗰區，方便交收😆一年前喺觀塘開實體店，梗係要去支持下！好彩我哋早啲去食，唔洗等位，晏少少就已經有人潮喺出面等位😂 京蔥豬肉煎餃+芝士粟米豬肉煎餃去滾餃必食京蔥豬肉餃😋唔係間間餃子店都有，京蔥獨特嘅香味配搭豬肉，香口得嚟唔會好似羊肉咁霸道。至於芝士粟米豬肉餃，芝士嘅咸香加上粟米嘅爽甜，降低油膩感。 香茜豬肉煎餃+芝士粟米豬肉煎餃朋友係荽茜愛好者，見到有香茜豬肉餃一定唔會錯過！我本身對荽茜麻麻哋，試咗一隻，荽茜味勁濃🫢茜茜愛好者真係要試下😂 我哋嗌咗煎餃，餃子皮厚薄適中，煎完之前好香脆，加埋菜脯夠惹味。👍🏻