Kelly & Moss (已結業)

Kelly & moss位於九龍灣零碳天地，即係megabox對面就係架呢！我係睇TVB電視節目得知係香港，人多車多既中央有個大自然既天地俾香港人入黎relax吓，忙裏偷閒我同朋友叫咗個有機mocha咖啡一齊share！但可能因為係有機，所以偏酸另外叫咗個朱古力榛子cake。呢個真係值得推介，好味到呢。。。外面有啲苦澀味既朱古力加埋内裏既榛子超match，可以話係perfect！ 重要有啲金箔係面我重叫咗個earl gray cake，中文好似係伯爵唔知咩茶cake。呢個我唔知點形容佢既味道，因為我都係第一次品嘗呢種好特别但講唔出既味。佢好似有啲花香味，又有啲茶味，再加啲奶茶，then散發出啲檸檬味！由此可見，係有幾咁覆雜！到我最期待既fish pot啦！好味到暈。。。雖然係薯蓉加啲蔬菜，但真係超級好味！佢啲薯蓉入面有啲一絲絲好似蘿白絲咁既野，好特别。i like it！原本想叫個提拉米蘇，但係賣哂咁下次再黎試過啦！最後當然同大自然影相啦！呢度環境優美啲野又好味得閒黎呢度親親大自然吸收吓新鮮既空氣同朋友吹吹水何樂而不為呢！