茶木‧台式休閒餐廳 (PopCorn 1)

營業中

休息中

當日晚飯後已經食到飽飽！但係成班小朋友出嚟玩又唔願走，又想食吓甜品，又想搵地方切下蛋糕，但係間間都已經截晒單閂門啦！同埋原來將軍澳呢邊可以坐低食甜品嘅地方唔係太多，有可能我哋唔知🤔 上網搵到茶木！開頭仲驚住臨收工先去，仲要只係食甜品，仲要成班細路會俾人黑面！點不知呢度啲姐姐哥哥，態度都好好，冇嫌佢哋嘈，我哋又要餐具又要紙巾有跌晒啲餐具落地咁⋯都冇嫌棄我哋都係講返食物先，第一時間梗係食咗signature 嘅雪糕吐司盒同埋芋圓啦🍧我哋用佢嚟當生日蛋糕切，即係啱晒！小朋友鍾意食，大朋友都好鍾意食☺️個吐司盒賣相靚靚唔使講啦，滿滿嘅朱古力醬，士多啤梨，仲有棉花糖！小朋友爭住食！裏面嘅吐司仲好細心咁樣切到一粒粒， 而每一粒都焗到脆卜卜，外脆內軟，一啖一粒，好好味！仲有個芋圓煙煙韌韌又唔會太甜，唔錯唔錯