影片
更多
2019-01-16
41 瀏覽
今日嚟到呢間麻辣茶雲吞，一入到去就覺得好家庭式小店，雖然鋪頭唔大，但裝修好簡單好舒服，而且店員都好親切，就算我哋諗咗好耐都完全無催過我哋。我哋最後叫咗雞絲擔擔麵、麻辣撈麵加腩肉、湯雲吞 (要咗薑汁椰菜豬肉味同埋粟米豬肉，粟米豬肉係是日雲吞)、韭菜餅同埋叫咗杯海鹽青檸。上菜速度非常快，基本上十分鐘左右已經上晒所有嘢，呢點值得讚賞！雞絲擔擔麵辣度唔算好強，就算唔係好食得辣嘅人應該都食到，雞絲份量都唔少，而且雞絲一啲都唔老。麵方面亦都幾爽口彈牙，唔會煮到腍晒，同埋會索晒啲湯，唔錯！麻辣撈同擔擔麵用同一種麵，呢個麵湯同撈都一樣好食，辣味都唔算好重但幾香，可能就返香港人口味，想食辣啲可以落單嘅時候提出。腩肉方面同我想像中唔同，呢度唔係用其他連鎖米線鋪嗰種腩肉片，而係用一嚿嚿嘅腩肉，無平時嗰啲咁肥，而且本身有另外煮過，唔係純粹靠個湯嘅味，肉質唔算好腍，但好香肉味，就咁食個腩肉都好好食！不過小小嘅缺點係個撈麵無乜汁，我加左少少麻辣雲吞個湯汁去撈，令到碗麵提升咗一個層次，大家如果去食都可以試下呢個新食法！麻辣雲吞可以叫7隻或者10隻，7隻只可以揀一種味，10隻就可以揀兩種，我哋就叫咗10隻一齊食。個湯
我哋最後叫咗雞絲擔擔麵、麻辣撈麵加腩肉、湯雲吞 (要咗薑汁椰菜豬肉味同埋粟米豬肉，粟米豬肉係是日雲吞)、韭菜餅同埋叫咗杯海鹽青檸。上菜速度非常快，基本上十分鐘左右已經上晒所有嘢，呢點值得讚賞！
雞絲擔擔麵辣度唔算好強，就算唔係好食得辣嘅人應該都食到，雞絲份量都唔少，而且雞絲一啲都唔老。麵方面亦都幾爽口彈牙，唔會煮到腍晒，同埋會索晒啲湯，唔錯！
3 瀏覽
0 讚好
0 留言
4 瀏覽
0 讚好
0 留言
麻辣撈同擔擔麵用同一種麵，呢個麵湯同撈都一樣好食，辣味都唔算好重但幾香，可能就返香港人口味，想食辣啲可以落單嘅時候提出。
5 瀏覽
0 讚好
0 留言
腩肉方面同我想像中唔同，呢度唔係用其他連鎖米線鋪嗰種腩肉片，而係用一嚿嚿嘅腩肉，無平時嗰啲咁肥，而且本身有另外煮過，唔係純粹靠個湯嘅味，肉質唔算好腍，但好香肉味，就咁食個腩肉都好好食！不過小小嘅缺點係個撈麵無乜汁，我加左少少麻辣雲吞個湯汁去撈，令到碗麵提升咗一個層次，大家如果去食都可以試下呢個新食法！
3 瀏覽
0 讚好
0 留言
麻辣雲吞可以叫7隻或者10隻，7隻只可以揀一種味，10隻就可以揀兩種，我哋就叫咗10隻一齊食。個湯方面有啲重慶火鍋嗰種麻辣香味，雲吞就大大粒好足料，而且好實淨唔係一咬就散開嗰種，係屋企嘅味道。
2 瀏覽
0 讚好
0 留言
韭菜餅唔係撈咗粉一餅嘢拎去煎嗰種，呢隻韭菜餅更加似係炸韭菜餃嘅感覺，有個皮包住啲韭菜豬肉餡，個皮好薄，炸到好脆好香口，個餡就有好香韭菜味，外脆內軟，呢個好推薦！
23 瀏覽
0 讚好
0 留言
海鹽青檸好清新，好啱夏天飲，雖然依家唔係夏天，但食完辣嘢、煎炸嘢飲都好舒服，可以中和返嗰種燥熱感，而且咸咸酸酸好開胃！呢度仲有其他養生飲品，下次可以試下！
0 瀏覽
0 讚好
0 留言
2 瀏覽
0 讚好
0 留言
整體嚟講呢度嘅麻辣唔係好重口味，反而感覺好屋企好親切，同埋好多食物都有辣同唔辣，就算唔食得辣嘅朋友都有好多選擇。我覺得呢間餐廳係一間值得推薦嘅小店。
張貼
