影片
更多
2009-09-24
136 瀏覽
7月19日, 因為呀菲嘅親戚黎咗, 而菲媽媽又識得呢間嘅老闆, 所以今晚就黎食個韓燒~ 我地有8個人嘅關係, 所以可以安排開一間房, 充滿私人空間, 仲有電視睇添~ 呀菲話, 佢細細個黎嘅時候, 仲有K唱架!::: 前菜凍食類 :::前菜選擇都幾多, 差唔多有齊晒食韓國野必有嘅前菜! 我地咁多人, 好處就係每樣都可以攞d, 好食嘅有薯仔, 炒粉絲, 豆卜, 白菜仔, 甜魚仔等等, 如果唔係太多人建議先食呢幾樣~ 湯類有人參雞湯, 非常正! 人參味雖然嘛嘛不過十足十老火湯, 當雞湯飲都好好味, 好少可有得飲呢種湯~ 除此之外, 三文魚刺身亦係無限量供應!! 雖然每次出嘅份量比較少, 好似我地人多一次已經差唔多攞晒佢一轉嘅份量, 總共都攞咗5-6次, 真係食魚生都抵! 雖然三文魚刺身係冇正宗日本野咁靚, 但都唔差, 厚切得黎亦很肥美, 肉地都新鮮, 唯一係雪味多咗d, 可能係一出我地就即刻攞啦~ 壽司就真唔掂, 好乾d飯又好硬, 千祈咪掂!仲有甜品添~ 有西米露, 蕃薯糖水, 啫喱等… 食咗蕃薯糖水, 味道還可以, 蕃薯唔甜… 不過有失望就係冇我地最鍾意嘅雪糕!::: 燒肉類 :::食韓燒
::: 前菜凍食類 :::
前菜選擇都幾多, 差唔多有齊晒食韓國野必有嘅前菜! 我地咁多人, 好處就係每樣都可以攞d, 好食嘅有薯仔, 炒粉絲, 豆卜, 白菜仔, 甜魚仔等等, 如果唔係太多人建議先食呢幾樣~
湯類有人參雞湯, 非常正! 人參味雖然嘛嘛不過十足十老火湯, 當雞湯飲都好好味, 好少可有得飲呢種湯~
除此之外, 三文魚刺身亦係無限量供應!! 雖然每次出嘅份量比較少, 好似我地人多一次已經差唔多攞晒佢一轉嘅份量, 總共都攞咗5-6次, 真係食魚生都抵! 雖然三文魚刺身係冇正宗日本野咁靚, 但都唔差, 厚切得黎亦很肥美, 肉地都新鮮, 唯一係雪味多咗d, 可能係一出我地就即刻攞啦~ 壽司就真唔掂, 好乾d飯又好硬, 千祈咪掂!
仲有甜品添~ 有西米露, 蕃薯糖水, 啫喱等… 食咗蕃薯糖水, 味道還可以, 蕃薯唔甜… 不過有失望就係冇我地最鍾意嘅雪糕!
::: 燒肉類 :::
食韓燒, 又點能夠無肉?! 一次過攞咗好多, 擺到成枱都係~! 主要嘅都不外乎牛雞豬羊, 味道唔錯, 醃肉嘅汁好惹味, 一路燒一路散發出肉嘅香味~ 如果要揀特別嘅, 我就會推介牛舌, 牛仔骨, 豬頸肉同煙肉~ 牛舌燒完出黎爽口又唔韌, 如果可以點海鹽就更加好~! 牛仔骨以為好普通, 不過味道一流, 加上少少肥肉同筋, 肉味十足~ 豬頸肉係有少少辣, 十分刺激味覺, 開晒胃, 加上肉地都好爽, 反而呢個肥肉冇乜~ 煙肉就係我地食得最多, 一來快熟., 二來出得油多唔會太黐鑊, 卷住蔬菜一齊食又可以減低肥膩度~ 我有些少失望嘅係辣肉選擇唔多, 對於嗜辣嘅我覺得差少少~
蔬菜類我地都燒咗冬菇, 雞髀菇, 翠玉瓜, 茄子等等, 都唔錯~
其實食物種類質素都唔差, 因為我地人多所以都冇限我地時, 呢個真係抵讚~ 仲有一間房俾我地, 好有私人空間, 加上有電視睇, 真係可以由8點燒到去11點!
張貼
