影片
更多
2023-05-10
352 瀏覽
餐廳位於熱門嘅南山邨，去到平台再落一層就會見到餐廳環境有室內外座位，裝修簡約，設有自助區俾客人攞調味料/斟水/攞紙巾等等，不過呢個都唔係重點，最重要嘅係啲嘢食好足料，火候控制得好好，親民價錢食到高質西餐，好抵呀👍🏻♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 精選餐湯 - 黑松露蘑菇湯日日都可能會唔同架，今次嘅餐湯係好香黑松露味，仲食到粒粒蘑菇🍄❥ 8安士紐西蘭肉眼牛扒配紅酒燒汁 $118煎到焦香嘅牛扒，火候控制得好好，入面仲係嫩中帶粉，而且大大塊又厚身，牛味愈食愈濃，沾埋酸酸地嘅紅酒燒汁，冇油膩感😋隔離嘅配菜帶皮薯角，熱辣辣，外脆內綿密；西蘭花睇得出有真係煎過，翠綠爽口😊❥ 三重蟹忌廉汁意大利粉 $78面層灑滿芝士粉，忌廉汁仲拉到少少絲，芝士味濃郁，配埋脆卜卜嘅蟹籽同一條條嘅蟹柳，好足料呀🤩而且小編好鍾意呢個汁嘅濃稠度，真係啱啱好每條意粉都沾滿晒，食到碟底都唔會見到多餘嘅汁，要俾個like👍🏻❥ 熱情芒果撻 $48酸酸嘅熱情果同甜甜嘅芒果味道平衡得幾好，開胃清爽🤤❥ 法式焗金寶蘋果配雪糕 $68底層係勁香肉桂味嘅金寶蘋果，上層就擺滿
餐廳環境有室內外座位，裝修簡約，設有自助區俾客人攞調味料/斟水/攞紙巾等等，不過呢個都唔係重點，最重要嘅係啲嘢食好足料，火候控制得好好，親民價錢食到高質西餐，好抵呀👍🏻♥️
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 精選餐湯 - 黑松露蘑菇湯
日日都可能會唔同架，今次嘅餐湯係好香黑松露味，仲食到粒粒蘑菇🍄
❥ 8安士紐西蘭肉眼牛扒配紅酒燒汁 $118
煎到焦香嘅牛扒，火候控制得好好，入面仲係嫩中帶粉，而且大大塊又厚身，牛味愈食愈濃，沾埋酸酸地嘅紅酒燒汁，冇油膩感😋
隔離嘅配菜帶皮薯角，熱辣辣，外脆內綿密；西蘭花睇得出有真係煎過，翠綠爽口😊
❥ 三重蟹忌廉汁意大利粉 $78
面層灑滿芝士粉，忌廉汁仲拉到少少絲，芝士味濃郁，配埋脆卜卜嘅蟹籽同一條條嘅蟹柳，好足料呀🤩
而且小編好鍾意呢個汁嘅濃稠度，真係啱啱好每條意粉都沾滿晒，食到碟底都唔會見到多餘嘅汁，要俾個like👍🏻
❥ 熱情芒果撻 $48
酸酸嘅熱情果同甜甜嘅芒果味道平衡得幾好，開胃清爽🤤
❥ 法式焗金寶蘋果配雪糕 $68
底層係勁香肉桂味嘅金寶蘋果，上層就擺滿新鮮莓果同一大球雲呢拿雪糕，一啖有多重口感，好豐富😆
❥ 藍色海洋 (跟主菜半價 $19)
菠蘿｜藍柑｜百香果蒟蒻
綠黃色漸層由藍柑同菠蘿汁沖泡而成，底層嘅蒟蒻同普通啫喱口感有少少唔同，口感較滑溜彈牙，無論係味道、口感、賣相，都好啱夏天🌞
❥ 焦糖脆脆鮮奶咖啡 (跟主菜半價 $20)
nutty嘅咖啡味，中和咗面層焦糖脆脆嘅甜味，口感順滑😌
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
張貼
