一日三餐 (已結業)

【親民價錢！高級質素嘅地道茶記💛】推薦程度：●●●●◐抵食程度：●●●●●———🍞【常餐】招牌蔥油雞扒撈公仔麵｜炒蛋｜丹麥多士｜餐飲｜$49嚟過幾次都要排隊，但茶記就係勝在流水式，食得快走得快，每次都等10分鐘入到座。今次第一次試蔥油撈公嘅常餐：公仔麵乾濕程度、甜鹹比例都剛好，略帶醬料嘅微甜，加上蔥油，兩者互相輝映。雞扒雖然冇咩雞味，但肉夠嫩、油脂剛好，唔會乾柴柴。炒蛋滑身，略嫌蛋香味唔突出，應該係蛋種問題。丹麥多士比起一般多士鬆軟，牛油味香而濃，感覺比白麵包更有誠意。