臺坊 (加拿分道) (已結業)

係尖沙咀諗唔到食咩，咪去厚福街囉～今日發現街頭開咗間新台式餐廳，細細地又幾骨子，加上落狗屎，就決定揀你啦臺坊！舖頭的確較細，大概十零個位，不過裝修都唔差㗎，牆上掛咗好多風景相，想念台灣T_T鹽酥雞肉燥拌麵肉燥份量唔少，但就唔夠味，連我平時食開清淡野都覺得幾淡口下。鹽酥雞普通，少少淋，唔夠香口。朋友嘅麻辣雞絲冷麵佢話唔錯，賣相都幾好，應該相當清新。芝士肉鬆蛋餅呢個反而幾驚喜，好好味，蛋餅煎得好香，芝士同肉鬆餡都好多。