尚海人家 (TKO Gateway) (已結業)

- 突然心血來潮好想食上海菜，但又唔想去太遠。聽聞坑口開左間正宗得黎又親民既—上海人家，所以決定去試一試。- 睇到餐牌，發現套餐都幾抵食，所以就叫左兩隻皇牌生煎包配上海排骨擔擔麵，仲叫埋豆漿。- 另外，因為屋企人都想食酸辣湯麵同豆沙鍋餅，最後都決定外賣埋。- 返到屋企，終於可以享用美食啦！當然要先食皇牌生煎包啦，佢地生煎包雖然細細隻，但同外面唔同，一啲都唔厚皮。生煎包個底好脆身，咬落去仲要勁誇張咁漏啲汁出黎，成手都係。唔係講笑，真係有圖你睇🤣！- 而上海排骨，即係香港人既炸豬扒。食落味道唔錯，分量充足，啖啖肉。至於擔擔麵就有好多花生碎同肉碎，香濃惹味，麵底分開擺放，唔會放到淋哂，好貼心。- 而酸辣湯麵食落都唔錯，夠哂辣味，加埋雞絲同木耳，材料真係好足。但可能個人口味問題，如果酸多少少同多少少湯就好啦！- 最後，仲叫左豆沙鍋餅，賣相好靚，一啲都唔油膩，而且豆沙甜度適中。雖然外賣凍左，外皮有少少硬，但相信本來係超級脆身，下次我一定會用氣炸鍋整返熱少少。- 總括黎講，店舖所有套餐非常抵食，價錢非常親民，材料充足又大份，值得一試👍🏻！