影片
更多
2022-05-16
1407 瀏覽
雖然香港嘅疫情近排已逐漸緩和，不過想自由自在咁去日本旅行，短期內恐怕仍未能成事，「回鄉」無望，唯有暫時寄情於日式美食。最近得知油麻地開咗間「沖繩漁民食堂」，餐廳主打日式丼物同讚岐烏冬，友人向來對呢啲日式家庭料理都情有獨鍾，趁今日喺附近辦事，就相約一起嚟試下。呢度嘅食物價錢好親民，丼飯、烏冬最平五、六十蚊已有交易，非常划算抵食。先嚟一客小食日本炸海苔魷魚鬚 ($46)，魷魚鬚新鮮即炸，大大條，肉質爽脆彈牙，入口充滿紫菜香氣，鮮甜又富嚼勁。慢煮日式牛柳烏冬 ($65) 牛柳片同烏冬分開盛上，牛柳以慢煮方法炮製，食落肉質好鬆軟，由內到外都保持鮮嫩嘅口感，而且生熟度亦控制得啱啱好。烏冬嘅湯底以鰹魚乾及昆布等熬成，飲落味道勁鮮甜、夠晒健康。烏冬韌性十足，麵質粗身彈牙，入口還帶有麥香。配料仲有溏心蛋同鳴門卷，分量絕不欺場。炸豬扒丼 ($50) 水準亦唔錯，豬扒炸至金黃色，食落肉質好鬆化，香脆不油，而且厚身得嚟仲有肉汁，蘸點沙律醬吃，美味。撥開豬扒，原來底下仲有隻吹彈可破嘅溫泉蛋，戳穿蛋黃，蛋汁隨即流出，用嚟撈飯真係一流！跟餐送熱飲一杯，轉凍飲亦只需 +$2，汽水 +$6。
最近得知油麻地開咗間「沖繩漁民食堂」，餐廳主打日式丼物同讚岐烏冬，友人向來對呢啲日式家庭料理都情有獨鍾，趁今日喺附近辦事，就相約一起嚟試下。
呢度嘅食物價錢好親民，丼飯、烏冬最平五、六十蚊已有交易，非常划算抵食。
先嚟一客小食日本炸海苔魷魚鬚 ($46)，魷魚鬚新鮮即炸，大大條，肉質爽脆彈牙，入口充滿紫菜香氣，鮮甜又富嚼勁。
慢煮日式牛柳烏冬 ($65) 牛柳片同烏冬分開盛上，牛柳以慢煮方法炮製，食落肉質好鬆軟，由內到外都保持鮮嫩嘅口感，而且生熟度亦控制得啱啱好。
烏冬嘅湯底以鰹魚乾及昆布等熬成，飲落味道勁鮮甜、夠晒健康。烏冬韌性十足，麵質粗身彈牙，入口還帶有麥香。配料仲有溏心蛋同鳴門卷，分量絕不欺場。
炸豬扒丼 ($50) 水準亦唔錯，豬扒炸至金黃色，食落肉質好鬆化，香脆不油，而且厚身得嚟仲有肉汁，蘸點沙律醬吃，美味。撥開豬扒，原來底下仲有隻吹彈可破嘅溫泉蛋，戳穿蛋黃，蛋汁隨即流出，用嚟撈飯真係一流！
跟餐送熱飲一杯，轉凍飲亦只需 +$2，汽水 +$6。
張貼
