歐意餐廳 (已結業)

住咗上水咁多年,一向都係食餐記為住,但今日誤打誤撞既情況下,黎到呢間望落都幾四正既歐意餐廳食晚餐,發現原來上水都有唔錯既西餐,所以決定介紹一下!餐廳食客都幾多,而且光猛適舒,走簡單既工業風路線,座位唔算太迫!! 餐廳食物尚算多種類,而且價錢都幾親民! 而眼見好多人都點咗鐡板扒既食物,所以自己都忍唔住點番份試下!我點既鐡板紐西蘭西冷牛扒跟埋黑椒汁配意大利粉~ 果然係份量十足!佢送上碟既時候仲係'喳喳'聲,可見廚房係剛剛整起就馬上送上,咁樣先可以食到最熱辣辣既鐡板牛扒.抵贊!紐西蘭西冷牛扒完美既7成熟,而且仲要係厚切,肉質算係幾鬆軟JUICY且肉汁豐富~更重要既係大大件超抵食! 我仲另外加錢升級大一隻大蝦,估唔到都幾新鮮同幾大隻,仲要開埋邊! 跟餐仲升級咗一個酥皮湯,賣相都唔錯!更重要係夠濃味! 而跟餐既呢塊蒜香多士望落雖然唔算起眼,但係出奇地脆香蒜味足!輕輕浸一浸熱辣辣既白湯黎食,既可消一消熱氣,又可食到不同既味道!估唔到一間細細既餐廳,竟然會有PIZZA 食,我點咗千島海鮮菠蘿薄餅,賣算都唔錯,更重係非常足料,而更難得既係佢可以做到薄餅夠脆! 整體我覺得呢度既薄餅比起好多薄餅店出色！最