一茗堂 (南山商場) (已結業)

南山邨一直都吸引唔少人去食野，今次依間西餐環境闊落，價錢仲好親民！有dinner set揀，包埋湯/沙律同野飲！今日個餐湯係羅宋湯，醉中帶甜都好多料沙律簡單用咗芝麻醬都已經好食主菜揀左大蝦濃香蕃茄意大利粉($88)，個蝦嘅味道好濃郁，配埋酸酸地嘅蕃茄味，味道濃郁得嚟唔會太膩，意粉口感岩岩好唔會太硬另外叫咗鐵板美國T骨牛扒配手打薯蓉($188)，T骨左右兩邊分別係西冷同牛柳，牛柳口感軟嫩，肉味無咁重，西冷就口感有嚼勁啲，肉味濃郁，依個價錢食到真係幾抵！仲加左個黑椒汁薯蓉焗西蘭花($48)，薯蓉係個底焗得好滑好香，西蘭花同黑椒汁都夾，焗完入味得黎唔太乾飲品加左$17叫棉棉鮮奶朱古力，好香好滑嘅朱古力依間餐廳真係性價比之選，選擇又多！