紅橋 (已結業)

舖頭喺花園街同埋金魚街附近，都算幾四通八達容易搵到，鋪面唔算好大，就係一般會見得到嘅餐廳咁樣，我同屋企人行行吓街有啲肚餓就求其入咗去。我哋都係求其揀咗少少嘢食，揀咗海南雞半隻加咗碟油飯兩個人share，海南雞食到少少麻油香味，上面審咗少少應該係乾蔥嘅物體，都幾香，而分量都OK，不過碗飯都幾大碗，裝到滿一滿咁，兩個人食一碗，唔係好大食嘅話都夠食。我哋仲一人嗌左一碗湯飲添，都只係$12一碗，一碗係中湯（木瓜花生眉豆湯），另一碗係西湯（忌廉蜆肉湯），味道都OK，而且價錢一啲都唔貴，有咁嘅質素都唔錯👍