沁沁麫 (已結業)

沁沁麵人蔘雞湯底人蔘味吾會好重，非常之清甜，喝後有少少回甘，雞肉絲係煲湯雞肉，雞肉絲渗入人蔘味又幾好味，溏心蛋口感綿密，鹵水味十足，配上健康的黑木耳及西蘭花，份量都幾足，手工拉麵夠彈牙，非常掛湯。沁沁飯姐係臘味飯，有臘腸、潤腸、鮮臘鴨同滑雞，臘味夠香又吾會好油膩，鮮臘鴨肉質鮮嫩，米飯帶著微微的臘味香味，十分好食。醉雞卷花雕酒味好香濃，雞肉結實又嫩滑，跟餐$29算幾抵食。滷水特大冬菇兩大隻冬菇要用刀叉享用，滷水汁幾香，但濃味左少少。