人和月雞煲火鍋店 (已結業)

尖沙咀作為繁華地帶，基本上買嘅食嘅都可以一應俱全，只要諗到想食啲乜嘢通常都可以喺尖沙咀嗰邊完成心願。隔咗一排冇食雞煲同埋打邊爐，少少心血來潮就決定再去搵第二間品嚐下，🤤試吓每一間嘅唔同口味，喺海防道一行就好容易搵到人和月雞煲蹤影，除咗食雞煲出名之外牛亦都係非常之講究，所以唔諗咁多即刻嚟個雞牛兩重奏🤭酥皮麻辣芝士雞煲— 🐥麻辣雞煲當然食得多但融入芝士試過幾多次呢，🧀更重要係將酥皮破格擺喺雞煲嘅上面形成戲劇性嘅部份，淨係創意分到已經值回票價。 🧀切開左酥皮之後就已經聞到香濃嘅雞煲再加上麻辣嘅味道，每一嚿雞除咗肉質飽滿之外更加重要係索晒雞煲入邊嘅精華，🐥鮮嫩多汁一絲絲嘅肉輕易咁樣食出層次，另外再配上芝士又有少少韓風嘅味道，🧀至於酥皮就營造到層次感，一啖肉再一啖酥皮，享受至極，麻辣味道實在難以抗拒🌶卜卜蜆煲— 🍲既然雞煲咁正當然可以再破費加$68叫埋招牌卜卜蜆煲，🍲除咗有蜆之外更加有一堆蝦，選料講究，再採用埋最清淡嘅做法，實行要食出海鮮嘅原汁原味。 🍲每隻蝦到呈現新鮮嘅捲曲狀態，殼肉容易分離，原隻鮮蝦一剝就已經到手，🦐鮮甜嘅味道當然不在話下，結實嘅肉質就係最有品質保證嘅證明。 🦐另外會隻蜆亦都