影片
更多
2012-04-30
378 瀏覽
Grand Hyatt Steakhouse係酒店西餐廳，除左有三個鐘頭免費代客泊車服務，重有部私人「車立」直達餐廳，感覺好高級。樓上室內冷氣足，燈光柔和，幾有情調，所以見到雙雙對對o既情侶一D都唔意外，食甜品時先發覺原來好多都係黎慶祝生日o既。Steakhouse地方骨子之外，服務都好有水準，全體上下都咁有禮貌。其中西藉靚女經理不但友善，更毫無架子地落手落腳為客人送上食物，拍照，且不時聽取食客o既意見，又落力又咁有誠意，真係非常難得。XO爸同XO媽黎過Steakhouse食過飯，對餐廳所提供o既食物都略知一二。佢地話比大家知食物份量偏勁，如果每樣都想試，就建議叫幾款頭盤同兩份牛扒大家分，唔夠先再加食物同甜品。 Garlic Bread：蒜蓉包熱辣辣，香噴噴，好夠新鮮，蒜蓉牛油份量又足，好正！人未到齊我地都已經食左一碟，好彩人齊哥哥仔再加料！ Ahi Tuna Tartare（$210）：Tuna tartare 腍滑夠涷，面層o既牛油果加青瓜salsa好香脆，口感味道都咁好。 Steak Tartare（$210）：Steak tartare 同tuna tartare一樣咁腍滑脆
Steakhouse地方骨子之外，服務都好有水準，全體上下都咁有禮貌。其中西藉靚女經理不但友善，更毫無架子地落手落腳為客人送上食物，拍照，且不時聽取食客o既意見，又落力又咁有誠意，真係非常難得。
XO爸同XO媽黎過Steakhouse食過飯，對餐廳所提供o既食物都略知一二。佢地話比大家知食物份量偏勁，如果每樣都想試，就建議叫幾款頭盤同兩份牛扒大家分，唔夠先再加食物同甜品。
Garlic Bread：蒜蓉包熱辣辣，香噴噴，好夠新鮮，蒜蓉牛油份量又足，好正！人未到齊我地都已經食左一碟，好彩人齊哥哥仔再加料！
Ahi Tuna Tartare（$210）：Tuna tartare 腍滑夠涷，面層o既牛油果加青瓜salsa好香脆，口感味道都咁好。
Steak Tartare（$210）：Steak tartare 同tuna tartare一樣咁腍滑脆口，只係嫌個味道帶少少酸，同個人唔係好鍾意sour dough。
Seared Maryland Crab Cakes（$280）：蟹餅外層脆薄，整體好夠鬆軟，蟹肉鮮甜幼嫩，份量絕不吝嗇，個remoulade汁好香，同個蟹餅好夾，掂！
Baked Oysters Rockefeller（$240）：焗蠔鮮甜肥美嫩滑，同桌所有人都讚不絕口！
Seasonal Special - Roasted Bone Marrow（$180）：XO咁大個仔都未食過，不過見老豆同uncle食啜得咁開心，所以都食左一小匙。雖然佢地兩個勁讚道菜做得好好，不過小肥就覺得食落成口油，好溜囉。
Barbecued Short Ribs（$320）：外表可能唔係太吸引，好似好燶咁，食落個皮真係韌左少少，不過勝在牛肉本身肉質夠嫩，又唔會乾，如果冇煮得咁熟效果應該會好好多。
Porterhouse 38 Oz（$1,550）：生熟程度恰到好處，外皮唔會過燶，夠香脆，肉汁被鎖於其中，且肉味濃郁，正！
Chocolate Mud Pie w/ Vanilla Ice-Cream（$160）：我地叫左一份大家分黎食，哥哥仔自動幫我地切埋，感激感激！軟雪糕非常香滑，mud pie夠moist，朱古力味香濃，但又唔會太甜，一D都唔溜。因為雪糕溶得快，建議餐廳可以先將雪糕杯雪入雪櫃。
Washington Apple Crumble w/ Vanilla Ice-Cream（$160）：一款值得等o既甜品！新鮮熱辣辣焗出黎，crumble面夠鬆夠碎夠脆夠乾夠香，入面o既蘋果粒同蘋果蓉味道酸甜，口感爽脆，同個雲尼拿軟雪糕一齊食，簡直係完美o既配搭。
Rum Baba（$160）：埋枱點火，視覺效果非常震撼。老豆食左塊，話酒味香醇，蛋糕軟熟，不過因為小弟當晚要開車，為免酒後駕駛，安全起見，我冇份食。
Grand Hyatt Steakhouse地方高尚得黎氣氛好輕鬆，加上名副其實o既酒店級服務，細心體貼，大家都食得好開心好舒服。喺酒店食西餐，一早預左價錢唔會平得去邊，好在餐廳食物份量都算多，質量有番咁上下，又夠飽肚，人多可以叫多幾款一齊分，閒日用AE埋單重有優惠，都可以叫做貴中帶抵啦。張貼
