The Point (已結業)

睇Menu 已好吸引，食物種類都好多元化呀！餐廳樓底夠高，感覺舒適。天花吊燈設計仲有餐廳既名字，很有特式！分別order兩杯mocktail....Mango tango及oreo chocolate，mango tango 加有橙汁同芒果汁，味道酸甜醒胃！oreo chocolate就岩哂朱古力控！軟殻蟹沙律比想像中大碟，沙律菜新鮮爽口，軟殻蟹炸得非常香脆。可惜既只係蟹既size比較細！刺穿水波蛋，令蛋汁流出再攪拌沙律，攪拌均勻後食，添加了一分蛋香唷！薄餅都可以水煮？？！！水煮和牛pizza岩哂愛速辣既朋友，而且這個mix and match 也不錯唷！pizza 加了辣油，又麻又辣，但又不失pizza烤焗香味！和牛軟滑，肉質軟嫩。原先order既龍蝦意粉sold out, 就改左order大蝦意粉。這大蝦意粉非常好吃！意粉加有海鮮汁一齊煮，令味道非常鮮香！大蝦開邊岩哂愛吃蝦又不愛剝蝦殻既我呀！蝦肉肉質結實，非常新鮮美味！想不到吃不到龍蝦意粉，但這個大蝦意粉這麼好吃！