富士山55 (拉麵沾麵專門店) (已結業)

同事話我知銅鑼灣富士山55推出了一款特濃雙色海膽沾麵，老婆大人最愛呢味嘢梗係九秒九請佢去食啦！平日的晚上7點半到等咗20分鐘巳有位，這時老婆大人啱啱到fit晒啦。叫咗支草莓梳打飲，夠晒香口又夠氣好正喎。我呢個牛魔王梗係要鵝肝牛魔塔沾麵啦，有三個碼可揀，150g，300g 和 800g，本來想要300g但比老婆禁了唯有要150g啦！從芝士蕃茄汁和黑松露汁中揀咗後者，菌味勁濃郁香到不得了。我的鵝肝牛魔塔沾麵到喇，真係成座山咁好浮誇啫，面頭有件厚厚的鵝肝，入口唔係熱辣辣，但勝在夠厚身即時覺得抵食，牛肉係紐西蘭貨用慢煮方法令到肉質粉嫩又淋身牛味好夠，不過沾黑松露汁後牛味就好易被蓋過，另外麵質夠挺身好掛汁咬口好唔錯。老婆大人的特濃雙色海膽沾麵真係好鬼有份量，我試咗啲韓國和加拿大海膽，比較like加拿大多Ｄ。原來頭先被禁止叫300g原因係要食呢個芝士雜炊，我哋揀咗海膽沾汁嚟煮。店員三扒兩撥就攪掂個雜炊，煮得啱啱線味道香濃，飯粒不硬亦不軟好味道。