嘉樂冰廳 (新村街)

營業中

休息中

女朋友兒時常來嘅地方，今次第一次同埋佢啲朋友嚟，感覺到呢度好有人情味。雖然係門口等咗一陣，但好快排到我哋，伙記同老闆女都好熱情，落單時有講有笑咁，感覺唔錯。食物方面，最出名嘅火腿奄列果然唔係浪得虛名，好足料而又好滑，火腿嘅厚度好有口感，啖啖肉咁滯，值得一試。另外叫咗幾道小食，瑞士雞翼亦都係女朋友推介，味道唔錯，唯一比較可惜就係雪藏雞翼，食落有啲黐骨，煮多一陣可能會好啲。我哋四個人不停叫最後埋單每人都係比50零蚊，實在係現今社會少見嘅抵食。