素食新一代 (已結業)

是日套餐包左五餸一湯(或豆漿)仲有白飯任裝!! 不單單落單及上菜效率很高，食物質素、味道同份量都相當足夠！今日嘅餸有炒蛋、涼瓜豆腐、清炒時蔬、素漢堡扒、南乳炆蓮藕 — 全部都好好味呀！！而且老板娘超級好人超級貼心，佢主動問客人有冇嘢唔鐘意食，由於我唔鐘意食涼瓜，佢一舊都冇比我，但反而比多啲其他餸我，十分之慷慨同埋有良心！食到咁上下亦會問洗唔洗加飯，好友善！咁濃厚嘅人情味真係要係呢啲小店先揾到，所以大家一定要支持佢！