影片
更多
2022-08-19
517 瀏覽
香港曾經係一個好有人情味嘅地方，但由於個個都生活忙碌，好多人已經忘記咗人情味呢樣嘢，而且壓力爆煲嘅香港人，好多時候淨係識得趕時間，忘記身邊一切所有嘅事物同美好嘅風景。但係呢一間茶餐廳，好代表到舊香港嘅特色，姐姐佢哋都好好人，好有人情味。睇返啲舊相先記得呢個地方，亦都因為咁我特登要喺度寫食評。嗰日我留咗個銀包喺架車度，自己一個人，又唔知點算，同姐姐講話跌咗個銀包，佢話搵日再俾返錢佢，我嗰日叫咗一個腿蛋治家底同埋一杯凍奶茶。我心裏面喺度諗真係勁唔好意思，係咁打俾朋友睇吓邊個喺附近幫我俾咗錢先。好彩最後有個朋友過嚟救我。其實都幾感動，香港仲會有邊個餐廳聽你廢噏，以為你食霸王餐。姐姐呢一個表現好值得嘉許，我願意為佢帶1000字食評😂 (講吓笑點會寫到咁多啊)講返個腿蛋治先，個火腿就冇乜特別嘅，但係個蛋就好出色，佢做得好好，好厚，好重蛋香味。有落去個麵包仲要脆脆地，真係好代表到茶餐廳既特色。佢個奶茶都好香，紅茶味好重，係代表香港奶茶嘅味道。我之後都再會去食㗎！啲嘢都唔差，最重要嘅係姐姐喺度🌺
但係呢一間茶餐廳，好代表到舊香港嘅特色，姐姐佢哋都好好人，好有人情味。睇返啲舊相先記得呢個地方，亦都因為咁我特登要喺度寫食評。
嗰日我留咗個銀包喺架車度，自己一個人，又唔知點算，同姐姐講話跌咗個銀包，佢話搵日再俾返錢佢，我嗰日叫咗一個腿蛋治家底同埋一杯凍奶茶。我心裏面喺度諗真係勁唔好意思，係咁打俾朋友睇吓邊個喺附近幫我俾咗錢先。好彩最後有個朋友過嚟救我。
其實都幾感動，香港仲會有邊個餐廳聽你廢噏，以為你食霸王餐。姐姐呢一個表現好值得嘉許，我願意為佢帶1000字食評😂 (講吓笑點會寫到咁多啊)
講返個腿蛋治先，個火腿就冇乜特別嘅，但係個蛋就好出色，佢做得好好，好厚，好重蛋香味。有落去個麵包仲要脆脆地，真係好代表到茶餐廳既特色。
佢個奶茶都好香，紅茶味好重，係代表香港奶茶嘅味道。
我之後都再會去食㗎！啲嘢都唔差，最重要嘅係姐姐喺度🌺
張貼
