滿華堂茶餐廳小廚 (已結業)

今日晏左食lunch但唔想湊米氣，揀左滿華堂食車仔麵。自選三餸包熱或凍飲都係35蚊都算幾抵！我揀左酸齋丶炆枝竹同埋腐皮卷搭油麵。湯底正常，而油麵ok唔會好腍。枝竹就反而硬左少少，腐皮卷雖則冇南記咁好食但都算唔錯，只係塊皮又係硬左少少。酸齋就有驚喜，咬落唔會成口都係汁，放左落湯又唔會走哂啲汁。好喜歡餐廳個侍應哥哥，佢好有禮貌介紹杯鹹梅蜂蜜比啲客，講真咁客氣嘅員工家陣買少見少。P.S埋單經過幾枱都見人order酸齋，下次再泥試其他餸。