Café Relay (已結業)

仲未認真幫呢間餐廳寫食評，老闆娘就決定轉手。由2020年開始認識呢間店，呢間店對我嚟講一直都mean something, 之後每隔三四個月就要去食一次，唔止係去支持，仲好掛住兩位老闆好真誠、耿爽嘅性格。牆上嘅曼陀羅花都係老闆娘親手織。實在去過太多次，好多嘢都試過。自己最中意嘅都係all day breakfast, 就算係全素食都食得好飽。全份超級飽，一個女仔通常都食唔曬，要男朋友幫拖。男朋友中意食意粉，又係每款都試過曬，可惜去到最後一日已經無曬意粉。點都好，希望呢間一直都咁好食，保持自己理念、初心。老闆可以好好休息，日後重返cafe relay!