三一餃子 (利源西街)

營業中

休息中

三一餃子都開咗幾年，一直喺中環都超人氣，佢嘅套餐係中環嚟講真係好抵食，唔使$100就有齊小食、餃子同埋麵。每次去我都一定係叫蒜芯豬肉餃，佢餡料嘅比例好好，蒜芯味香得來又唔會蓋過咗豬肉味，揀煎餃就仲香口。麵嘅湯底最鍾意揀芫荽豆漿湯，對鍾意食芫荽嘅人嚟講，滿滿嘅芫荽真係好正，不過個豆漿湯底其實唔係好飲到豆漿味。另外小食炸花枝丸唔會好油，入面嘅花枝仲好彈牙，一共有三粒份量都適中，連埋啲餃子同埋麵，食完之後都好夠飽。