蘇媽.蘇媽馬來西亞茶餐室 (已結業)

趁周末放假，就同朋友試吓呢間位於深水埗嘅人氣蘇媽·蘇媽馬來人氣餐室。呢間餐廳雖然已經有好幾間分店，但喺星期日嘅下午兩點幾嚟到，都已經有唔少客人排緊隊，所以最後等咗半個鐘頭左右先有位。間餐廳裝修好有南洋風味，舖面亦好新淨都光猛。雖然每張枱嘅距離比較窄，但枱底有袋比你放私人物品，咁細心都值得一讚。湯咖喱麵（米通粉）（$62）呢碗係東南亞風味嘅咖喱，所以有好重椰香味，味道亦偏香濃，越食辣味會越明顯。除咗好多配料（魚旦、豆卜、薯仔、芽菜⋯），最特別係配搭米通粉。個米通粉好掛湯，真係每啖都食到滿滿嘅咖喱汁。豬腳彎 （$48）豬腳炆得好淋，仲吸晒肉骨茶味道，非常惹味～而且個肉骨茶仲任添，添咗幾次啲侍應姐姐都無厭棄，難怪會咁受人歡迎～