小菜王 (福榮街)

營業中

休息中

冬天最岩食羊腩煲。睇到呢間好多人排隊，咁就試吓呢間，足足排了一個鐘唷。五人行，叫了一個細煲，好香，羊肉份量都好多，羊味重，但無乜羊羶味，味道適中，少少咸。市面的羊腩煲都跟一碟生菜，呢度就無跟，要另叫。椒鹽九肚魚，新鮮炸起，唔夠椒鹽，淡味咗啲。焗魚腸因為製作過程好麻煩，好多地方都已經冇咗，或者限量好快賣晒。所以每次見到都會嗌，呢間又整得真係幾好吃。焗到好香。蛋唔會好實，魚腸亦都唔少，無苦味。充滿魚油嘅香味。連唔多食魚腸的朋友都不停食。