和牛燒肉一郎 (寶漢大廈) (已結業)

之前食過一次，印象唔錯，今日決定食貴小小。C Course $598開頭唔駛叫野食住，因為佢會跟餐上4組食物先。🏆是日寶箱得Course C 同D先有。日日唔同，當日新鮮即切，今日係和牛肉眼。店員上枱俾你打下卡之後，會幫手燒，之後仲好細心咁將佢剪細塊。睇到佢個大理石紋路就知道係正野，肉汁飽滿，入口嫩滑😋極上花盛合得Course C 同D先有，擺設幾靚，將d肉捲到一朵花咁，而且牛種類高級左，有和牛食。我幾鐘意和牛牛里脊肉，感覺肉質較軟嫩。舟盛合每個Course都會送上。有3款牛，再搭配豚肉同雞，仲有海鮮類有蝦同扇貝。桶盛合除左Course A，其他餐都會跟，有牛肋肉、牛里脊肉、豚肉同雞。和牛 薄灸壽喜燒里脊肉薄切，輕輕一燒，已可帶出油份，食落口幾滑同juicy多汁。生牛肉壽司 & 香蔥生牛腹肉碎壽司生牛肉色澤幾靚，有嚼勁同夠嫩，值得推介俾鐘意食生牛肉既朋友。除左燒肉外，仲有自家製飲品、軟雪糕機、日式雪條、沙律吧同爆谷機，款式多，位置又寬躺。