影片
更多
2024-09-13
411 瀏覽
2024年9月11日 星期三今日一放工之後就出去咗尖沙咀行街，因為實在係太大壓力，需要行街發洩一下沿途經過加拿分道，見到呢一間麵包店長期都大排長龍，雖然知道好多地方都有分店，但一直都冇機會排隊嘗試，好奇心驅使之下決定排一排隊試吓佢嘅麵包排隊期間見到玻璃櫃擺滿咗各式各樣嘅包點，大部份都好吸引，而且不斷有供應，價錢都唔算太貴，仲幾大嚿添，搞到我都唔知揀咩食好，最後我點咗一款撻即刻食，另外再要咗三個包拎返屋企呢一個開心果撻見到店舖係新推出嘅，用咗近期大熱嘅開心果，我一見到已經急不及待拆開嚟食，賣相完全可以用嚟打卡，千層撻嘅酥皮好香脆，咬落去仲見到一層層嘅酥皮，焗得啱啱好，裏邊嘅蛋漿融合咗開心果醬，每一啖都食到開心果味，再加上上面灑上嘅開心果碎，令到口感更加豐富，真係食到停唔到口之後我再買咗抹茶紅莓鬆餅，淨係睇外表已經知道個鬆餅充滿抹茶味，咬落去完全食唔到抹茶嘅苦澀味，反而有一種清香，配埋紅莓粒一齊食更加滋味，冇諗過紅莓同抹茶都幾配合，加上個鬆餅焗得好鬆軟，就算過咗幾個鐘拎返屋企食，味道都一樣唔錯呢個係芋泥麻糬包，即係外表都整得好精緻，整到成朵花咁，咬落去係濃郁嘅芋泥加麻糬，夠晒煙靭，而且芋泥
今日一放工之後就出去咗尖沙咀行街，因為實在係太大壓力，需要行街發洩一下
沿途經過加拿分道，見到呢一間麵包店長期都大排長龍，雖然知道好多地方都有分店，但一直都冇機會排隊嘗試，好奇心驅使之下決定排一排隊試吓佢嘅麵包
排隊期間見到玻璃櫃擺滿咗各式各樣嘅包點，大部份都好吸引，而且不斷有供應，價錢都唔算太貴，仲幾大嚿添，搞到我都唔知揀咩食好，最後我點咗一款撻即刻食，另外再要咗三個包拎返屋企
呢一個開心果撻見到店舖係新推出嘅，用咗近期大熱嘅開心果，我一見到已經急不及待拆開嚟食，賣相完全可以用嚟打卡，千層撻嘅酥皮好香脆，咬落去仲見到一層層嘅酥皮，焗得啱啱好，裏邊嘅蛋漿融合咗開心果醬，每一啖都食到開心果味，再加上上面灑上嘅開心果碎，令到口感更加豐富，真係食到停唔到口
之後我再買咗抹茶紅莓鬆餅，淨係睇外表已經知道個鬆餅充滿抹茶味，咬落去完全食唔到抹茶嘅苦澀味，反而有一種清香，配埋紅莓粒一齊食更加滋味，冇諗過紅莓同抹茶都幾配合，加上個鬆餅焗得好鬆軟，就算過咗幾個鐘拎返屋企食，味道都一樣唔錯
呢個係芋泥麻糬包，即係外表都整得好精緻，整到成朵花咁，咬落去係濃郁嘅芋泥加麻糬，夠晒煙靭，而且芋泥整得好幼滑，仲成口都係芋頭嘅香味添，同一時間個包整得好鬆軟，食完都唔覺得好飽滯
最後仲要咗個伯爵忌廉芝士貝果，一咬落去充滿伯爵茶香味之餘，仲食到滿滿嘅忌廉芝士，冇諗過伯爵茶同忌廉芝士都可以咁夾，而且個貝果上面仲灑滿咗燕麥增加口感，期待下次再嚟呢一間店舖嘗試其他唔同嘅包點！
張貼
