楓子珈琲

營業中

休息中

不知不覺深水埗又開咗好多間cafe，假期咁多日當然要嚟拜訪下☕️🍰呢度裝修復古feel, 傢俬擺設有格調，就連咖啡杯同餐具都好精美好有心思食物方面質素都唔錯，亦有啲特色嘅咖啡，fonji maple cafe latte有少少蜂蜜味唔算甜，咖啡味唔酸唔苦易入口，黑糖焙茶戚風蛋糕有濃濃焙茶味，櫻花玫瑰戚風蛋糕入面有d士多啤梨肉，食落有d櫻花味好清新，兩款蛋糕都非常濕軟，咁甜好食！令我回想起喺台灣食嘅戚風蛋糕一樣咁有水準，好懷念啊！菠菜汁蘑菇意粉，超多菠菜蘑菇，菠菜汁creamy但偏鹹，味道比較遜色。呢度人氣旺盛，仲有分時段交枱，如果想坐打卡位就要一早喺佢地ig book位啦！