杏甜品 (香檳大廈) (已結業)

同朋友係尖沙咀行街行到攰，又未到食晚飯時間，又想搵個地方坐下食下野，傾下計，就去食個美味既甜品甜品店以杏仁為主題，裝飾用上柔和既綠色、白色窗框及木系擺設簡約舒服既設計最近仲有新產品木蓮凍系列，點都要試下新野食物方面:招牌杏汁波波爽冰木蓮凍 : 賣相色彩繽紛，用上杏汁做底汁，加入四色小芋圓、青鑽、木蓮凍及龍眼味爽冰，小芋圓口感煙韌，青鑽口感特別，好似爆珠波波咁，中間仲要係最喜愛既薏米，木蓮凍口感滑溜如仙草一樣，煙韌得黎又口感清爽，再加埋冰涼既龍眼爽冰，份量十足椰皇桃膠燉雙皮奶 : 桃膠非常多，雙皮奶滑溜，有濃郁既椰汁味，椰肉燉到軟淋，非常易用匙羹不出黎食，另外再加埋青鑽及西米，撈埋椰汁食，口感有層次