ChaTraMue (已結業)

記得係無耐之前，各大網上平台都爭先報導有泰國嘅過江龍人氣奶茶嚟咗銅鑼灣開店，眼見好多人影相打卡，我都一直未去試，今日終於抽空約咗朋友去食。我哋叫咗一個泰國奶茶飄雪，一個正宗泰國沙拉檸檬茶。店內有座位，可以入去坐。等左大約5至10分鐘，嘢食就黎了。泰國奶茶飄雪用咗木盤黎上碟，幾精美。奶茶飄雪本身唔會好甜，加上香濃既奶茶醬，小饅頭同埋涼粉嚟食，甜中帶茶香，香中帶奶滑，口感豐富，夏日消暑解渴一流。另一杯飲品係正宗泰國沙拉檸檬茶。檸檬茶呈血紅色，十分吸引。味道方面，飲落酸酸甜甜，帶有檸檬的味道，好醒胃。個人認為店舖坐落嘅位置十分方便，飲品同食物亦都好有特式，好適合喺銅鑼灣行緊街嘅人黎小休一下。