甜記餃子 (已搬遷) 新店位置

黃店就係要多多幫襯，平時都係食開長沙灣分店。座位唔多，如果要堂食就要耐心等候。舖頭餃子種類都唔少，有十一款口味可以選擇，另外都可以揀湯餃或煎餃。其中煎餃係即叫即煎，等候時間都會相對地長啲，今次就等咗大概 20分鐘。芝士雞肉煎餃 (10隻) $46每份餃子都會配上菜脯同醋汁，菜脯好好食，入口爽脆帶有少少辣味。呢款口味係我近期嘅最愛，餃子嘅外皮煎到金黃色，但其中有2-3隻會有啲燶。餡料嘅粟米好多，食落甜甜地，但芝士味道就比較淡。