蘇媽.蘇媽馬來西亞茶餐室 (已結業)

一直都知蘇媽蘇媽好受歡迎，平時好多人排，咁岩今日人唔算好多，就特登黎試下。首先叫肉骨茶，由於我同朋友食量唔大，費事叫太大份，就揀咗百吉爹肉骨茶（豬腳彎）（$48）。以前食過新加坡式嘅肉骨茶，胡椒味比較重，自己唔食得辣就麻麻地想叫，而呢款馬來西亞或就有比較濃嘅藥材味，有少少回甘。豬腳彎都算淋，幾入味。自己想食麵又怕辣，叫左怡保雞絲湯河粉（$55），味道比較清淡，但由於除左雞絲外都有幾隻蝦，所以湯頭都有少少蝦味，重口味嘅人可能就要加入醬。最後叫左椰香咖央多士（$28 ），烘得香脆，但味道偏甜，椰香味偏重，但似乎咖央味就好似偏少啦。