媽咪雞蛋仔 (已搬遷) 新店位置

平日去都有好多人買，真係非常受歡迎！而家雞蛋仔有非常多口味，樣樣都好吸引。揀咗伯爵茶朱古力雞蛋仔、另外飲品揀咗熱蜂蜜生薑。鍾意佢而家雞蛋仔嘅包裝有個紙嘅手抽袋仔，方便拎，而且紙袋仔仲有好多窿窿比雞蛋仔可以唞氣，唔會焗腍。雞蛋仔非常香脆，入邊軟綿綿，伯爵茶味濃郁。入邊朱古力仲溶溶地，味道香濃又唔會太甜，茶味香、好味道！蜂蜜生薑甜甜地帶有濃濃薑味又夠滋潤。雞蛋仔咁多款口味，下次嚟又可以試吓其他口味！！