Urban Coffee Roaster (Fashion Walk)

營業中

休息中

之前以為UCR銅鑼灣店撤出後搬去將軍澳，原來一切都係誤會。UCR已經喺Fashion Walk以新面目示人。新裝修感覺比往日更舒適。去得UCR，當然要飲返杯咖啡啦。我今次就點咗Dirty。香濃嘅咖啡，味道柔潤。再加上熱Espresso同凍牛奶嘅雙重口感，係好好嘅選擇。另一杯Ruby Booster，睇完餐牌都唔知咩味。第一啖入口好強烈，甜、酸、辣。野莓、薑同朱古力、看似一啲都唔夾，但飲落又唔差。紅酒燴洋蔥手撕豬漢堡手撕豬嘅份量都當當可觀，配上漢堡常用嘅醬汁，味道唔錯。洋蔥充滿紅酒香之餘仲好甜好好味。成個漢堡唯一缺點就係差啲薯條。松葉蟹肉飯配炸軟殼蟹原隻炸軟殼蟹夠哂吸睛，影相打卡一絕。軟殼蟹酥脆鮮香。飯除咗松葉蟹肉、仲有蟹籽、溫泉蛋、青瓜，撈勻嚟食，好有撈起feel。味道清爽又惹味。焗金文筆芝士配多士.新鮮黑松露法國人民最愛嘅芝士之一。淡黃色，軟綿得嚟帶少少咸。最緊要係趁熱食。再加上新鮮黑松露，整個菜式簡單得嚟又帶一點點邪惡。不過最重要嘅，當然係好好食，好享受啦。最尾食埋三重朱古力凍餅，朱古力味夠哂濃郁，甜而不膩。