Second Bite Bar & Cafe (紅磡灣中心) (已結業)

今日同朋友入黃埔睇戲，專登預早少少同佢嚟到呢間cafe打卡食飯📸餐廳裝修小清新，園林風設計幾特別🏝🔸菠菜湯（餐湯）雖然係隨餐附送嘅湯，但一啲都唔hea喎🤩質感滑順，菠菜同忌廉等調味比例適中，濃得嚟又較一般餐湯清新。🔸牛角包（餐包）上枱時熱氣騰騰，咬落有聲🔈十分香脆，滿口牛油味～🔸芝士火腿拼盤份量都幾多🤩芝士奶香濃郁，火腿甘香豐腴，仲有沙律菜俾你清新一下味蕾。🔸大蝦海鮮意粉大蝦有半隻手掌咁大😍同青口一樣煎香過，但冇因而收乾晒水份，仍保持肉質鮮美juicy。所有意粉都沾滿醬汁，🔸帶骨肉眼扒火候掌握得好，冇overcook。牛味濃厚，質地韌嫩，加上油香四溢嘅脂肪，越嚼越香🤤