影片
更多
2023-03-27
149 瀏覽
《Honbo - 沙田》我個人其實唔算太過fancy食Burger，唔係因為佢唔好食，而係次次食佢都會搞到啲餡料跌曬出黎🤭食到好論盡之餘又會搞到成手都係汁🥹用刀叉食又會比人話，好慘😭所以有得選擇的話，我都會揀其他野食😌不過前幾日同朋友喺沙田行街，佢話有間佢成日食又好好食既Burger，諗住當日同我去食咼😂餐廳裝修好美國風，勁有睇美劇時出現既快餐場景感覺，最搞鬼係我朋友話隻吉祥物好似我🌚激氣講番野食，當日我地兩個人叫左兩個Burger、兩個小食同兩杯飲品，份量有點多，不過即叫即整熱辣辣係特別好食既💁🏻♀️HONBON漢堡 $98店舖主打既漢堡包🍔入面有酸黃瓜、芝士、洋蔥、兩片兩安士既漢堡肉扒同埋特製醬汁，醬汁係creamy既狀態帶少少酸甜既沙律醬味，個麵包皮脹卜卜好想督佢呀🤭我保持住一貫作風😂食到勁論盡成手都係醬，不過個burger係好食既，食得出食材好新鮮，啲洋蔥比啲汁包住都仲係嗦嗦聲架💁🏻♀️芝士漢堡 $98朋友個芝士漢堡同我既食材差唔多，不過見到佢仲有生菜，同埋個漢堡扒再大份啲，熱辣辣時啲芝士溶左好滋味💁🏻♀️芝士薯條🍟 $58呢度既薯條係我喜歡既幼身薯條，上面淋滿熱溶左既芝士醬😂
我個人其實唔算太過fancy食Burger，唔係因為佢唔好食，而係次次食佢都會搞到啲餡料跌曬出黎🤭食到好論盡之餘又會搞到成手都係汁🥹用刀叉食又會比人話，好慘😭所以有得選擇的話，我都會揀其他野食😌不過前幾日同朋友喺沙田行街，佢話有間佢成日食又好好食既Burger，諗住當日同我去食咼😂餐廳裝修好美國風，勁有睇美劇時出現既快餐場景感覺，最搞鬼係我朋友話隻吉祥物好似我🌚激氣
講番野食，當日我地兩個人叫左兩個Burger、兩個小食同兩杯飲品，份量有點多，不過即叫即整熱辣辣係特別好食既💁🏻♀️HONBON漢堡 $98
店舖主打既漢堡包🍔入面有酸黃瓜、芝士、洋蔥、兩片兩安士既漢堡肉扒同埋特製醬汁，醬汁係creamy既狀態帶少少酸甜既沙律醬味，個麵包皮脹卜卜好想督佢呀🤭我保持住一貫作風😂食到勁論盡成手都係醬，不過個burger係好食既，食得出食材好新鮮，啲洋蔥比啲汁包住都仲係嗦嗦聲架💁🏻♀️芝士漢堡 $98
朋友個芝士漢堡同我既食材差唔多，不過見到佢仲有生菜，同埋個漢堡扒再大份啲，熱辣辣時啲芝士溶左好滋味💁🏻♀️芝士薯條🍟 $58
呢度既薯條係我喜歡既幼身薯條，上面淋滿熱溶左既芝士醬😂好邪惡呀，佢個芝士醬質地唔算好厚身，似一層coating 喺啲薯條上，所以基本上每條薯條都會有芝士，食得多會有啲heavy 😛💁🏻♀️芝士薯寶 $58
聽講薯寶係好多人既童年回憶🤔對我黎講，薯寶係一粒粒版既薯餅😉一啖一粒好方便食，店舖提供左自家製既mayo比客人點個薯寶，的確係幾惹味咼💁🏻♀️蘋果批冰茶 $40
我個人喜歡飲mulled wine，佢呢個冰茶就有啲似無酒精既mulled wine 🍷冰茶唔會好甜，飲到好香既豆蔻同肉桂味👍🏻有解膩既作用💁🏻♀️Mike’s Lemonade $40
店員推介既house lemonade就有啲似無酒精既mojito😉飲到lemon grass 既清新香味同青檸既酸，對我黎講口味有點甜，但朋友就幾喜歡啦
張貼
