影片
更多
2022-03-28
110 瀏覽
終於嚟到港島區嘅人氣連鎖外賣Pizza&Doughnut店試吓佢哋嘅招牌爆漿冬甩，總共有7間分店。位於中環皇后大道中嘅分店鋪面簡潔，乾淨衛生，等候個陣仲可以隔住塊透明玻璃櫥窗望到廚房入面，整個製作過程一目了然招牌冬甩內餡有約七款口味，有時仲會推出期間限定嘅新口味。另外亦可以選擇普通嘅白砂糖或者肉桂砂糖。單買一個就$38，可以買三件裝、半打或者一打，買多啲除番開就抵啲，老實講價錢唔算平，不過都幾足料。本身食完晏晝飯飽飽地淨係叫左一個Nutella餡試吓，點知店員哥哥好nice比多左一個我地🥰_➤Filled doughnut Nutella flavour with regular sugar 🍫🍩即叫即整，一打開紙盒就聞到好香，圓轆轆嘅冬甩大約一個手掌心✋🏻嘅大細，炸到金黃色脹卜卜，表面灑滿白砂糖新鮮出爐梗係要即刻食，攞上手熱辣辣，食落表面酥脆入面鬆軟扎實，同時帶少少煙韌嘅口感，明明係油炸但出奇地一啲都唔覺油膩，亦唔覺得太甜太滯有一個窿仔，中間唧滿流心嘅nutella榛子醬，幾乎每一啖都食到，仲多到一咬就咇哂出嚟，超鍾意Nutella嘅臭屁熊同肌肉熊表示好滿足好邪惡，食到停唔到口😈 真
招牌冬甩內餡有約七款口味，有時仲會推出期間限定嘅新口味。另外亦可以選擇普通嘅白砂糖或者肉桂砂糖。單買一個就$38，可以買三件裝、半打或者一打，買多啲除番開就抵啲，老實講價錢唔算平，不過都幾足料。本身食完晏晝飯飽飽地淨係叫左一個Nutella餡試吓，點知店員哥哥好nice比多左一個我地🥰
_
➤Filled doughnut Nutella flavour with regular sugar 🍫🍩
即叫即整，一打開紙盒就聞到好香，圓轆轆嘅冬甩大約一個手掌心✋🏻嘅大細，炸到金黃色脹卜卜，表面灑滿白砂糖
新鮮出爐梗係要即刻食，攞上手熱辣辣，食落表面酥脆入面鬆軟扎實，同時帶少少煙韌嘅口感，明明係油炸但出奇地一啲都唔覺油膩，亦唔覺得太甜太滯
有一個窿仔，中間唧滿流心嘅nutella榛子醬，幾乎每一啖都食到，仲多到一咬就咇哂出嚟，超鍾意Nutella嘅臭屁熊同肌肉熊表示好滿足好邪惡，食到停唔到口😈 真心好好味，難怪咁高人氣，下次一定要試埋其他口味先🤤 不過食完啲Nutella 杰撻撻漿住咗個口，有啲乾😂🙈即刻飲番杯野先
Filled doughnut- Nutella flavour with regular sugar
$38
1 瀏覽
0 讚好
0 留言
_
🍽味道指數:★★★★☆
📷環境指數:★★★☆☆
🛎服務指數:★★★★☆
💰抵食指數:★★★☆☆
😋推薦指數:★★★☆☆
📍中環皇后大道中151-155號地舖
📍其他分店：
灣仔皇后大道東25號地舖
鰂魚涌海灣街4-6號嘉榮大廈地下7號舖
中環荷里活道68-70A號地舖
西環北街4-8號地舖
跑馬地奕蔭街38-42號地舖
北角宏安道18號威德閣地下5號舖
張貼
